Ang ama at ina,
Na nagdisiplina,
Pag kami'y sa paaralan,
Pinagtyagaang pangaralan,

Upang maging ehemplo,
Sa pagtayo ng templo,
At matatag na pundasyon,
Maabot ang ambisyon,

Iisa lang ang layunin,
Sa kabutihang loob lamunin,
Tayo ng mabuting asal,
Kaya pinupuno ng aral,

Salamat, mahal na guro,
Di ka nagsawang magturo,
Kahit minsan ay pasaway,
At madalas napapaaway,

Di sumuko't umatras,
Determinasyon ay likas,
Na kami ay maging matino,
Kaya salamat sa malasakit nyo,

Anuman ang maabot ko,
Tagumpay man ay mahakot ko,
Manatiling sariwa sa isipan,
Kung pano sa'kin itinanim ang kabutihan.