Bare Vòlè, Arete Tout Vòlè

Men yo kraze e kase tout kès peyi a

Yo menm eseye vòlè nèg maron

Arete vòle yo, men yo nan yon gwo kamyon

Vòlè sa yo finn gaspiye e piye peyi a

Kote kòb Petwokaribe a ?

Pèp la fatige ak la soufrans, la mizè

Salte, fatra, malpwopte

Vol, piyaj e inpinite

Pèp la grangou pou la pè

Pèp la bezwen manje

Lekòl , travay ak sekirite

Bare vòlè, arete tout vòlè

Investige e jije tout eskanmòtè

Pou nou ka gen la jwa e la pè

Aba tout vòlè kap simen la mizè

Pèp la bezwen la pè nan vant

Pèp la pa renmen viv anba tant

Bare vòlè, kinbe vòlè

Investige tout move vòlè

Nou pa vle dezòd

Mete tout vòlè anba kòd

Aba la pwostitisyon

Aba la koripsyion

Anmwey bare vòlè

Anmwey kinbe vòlè

Anmwey gade vòlè

Anmwey arete vòlè

Anmwey kote tout kòb la ?

Anmwey kote tout lajan peyi a ?

Anmwey bare vòlè

Anmwey kinbe vòlè

Anmwey gade vòlè

Anmwey arete tout vòlè.

Copyright © Oktòb 2018, Hébert Logerie, Tout dwa rezève

Hébert Logerie se yon otè ki piblye plizyè liv de pwezi.