Litani Pou Lajan

Nou pa fèt pou nou vòlè

Se youn nan 10 kòmandman

Ke Bondye te ba nou. Si nou bezwen la pè

Fòk nou swiv 5 premye liv 10 komandan an

Si nou vòlè, nou pral nan lanfè

Pa gen moun ki vòlè pa aksidan

Èv te fè Adan vòlè

Tout vòlè se vòlè

Nou sonje Rachel ki te vòlè papal Laban

Nou vòlè lajan

Nou pate fèt ak lajan

Nou renmen lajan

Nou souri pou lajan

Nou ri pou lajan

Nou bay manti pou lajan

Nou rayi pou lajan

Nou renmen pou lajan

Nou van peyi nou pou lajan

Nou soufri pou lajan

Nou touye frè nou ak sè nou pou lajan

Nou touye fanmi nou pou lajan

No fè sakrifis pou lajan

Nou van la tè pou lajan

Nou kidnape pou lajan

Nou vòlè eleksyon pou lajan

Nou bay koudeta pou lajan

Nou vyole konstitisyen pou lajan

Nou pedi fyète nou pou lajan

Nou fè tout tenten pou lajan

Nou fè tout vye bagay pou lajan

Nou fè ipokrisi pou lajan

Nou pa konn ki sa pou nou fè ak lajan

Nou van pitit nou pou lajan

Nou van zanmi pou lajan

Nou menm van tèt nou pou lajan

Tout sa ke nou fè se pou lajan

Nou mouri pou lajan

Nou pral nan lanfè pou lajan

Lajan, lajan, lajan, lajan

Nou reve lajan tout tan

Nou jwe bòlèt pou lajan

Nou pèdi vi nou pou lajan

Nou van nanm nou pou lajan

Mwen pa vle pale de lajan

Nou ka fini powèm sila pou lajan

Lajan, lajan, lajan, lajan

Lè nou mouri nou pa prale ak lajan

Tout bagay se lajan, lajan, lajan

Dola, moula, goud, pyas, lajan, lajan

Fòk nou sispan renmen lajan

Ak fè tout vye bagay pou lajan

Lajan, lajan, lajan, lajan, lajan

Lajan fè nou kriminèl e mechan.

Copyright © Jen 2021, Hébert Logerie, Tout dwa rezève

Hébert Logerie otè plizyè liv pwezi.