Tugaruke kwa Kanyarwanda

Ariko shenge mfite agahinda!

dore nciye ahacuze incuke 

zicunze gucuza u Rwanda

zicuditse n'ibica ihaho

zicumbikiye ibihanda

birindagiza ab'i Rwanda

bibabuza kwanda cyane

Bahararutse amahoro

bahoberana n'amahahari

amahane abahora impande

amahwa arahirwa iwabo

bahinyura imbaraga bafite

bahikwa n'ubusa bw'ubu

Kanyanga ikanika inkanda

ikundagura ahakunzwe

ihotora impotore barora

imidede barayizinukwa

badindizwa n'udutoya

batumbira ibihanda

Kera umwali muzima

yazindurwaga n'ibizima

akazinukwa ibita i buzimu

ubu asigaye ku gahinga

indaro ntazitinya

ubu umwuga n'ugutwita